兩位朋友
2005年10月03日有一位認識接近廿年0既朋友，今日11pm搭飛機去澳洲讀書…
祝佢一帆風順，學有所成，平安歸來！
另一位朋友今晚打俾我講0左一Ｄ0野俾我聽…
作為朋友，只可以根據你講0既情況，話俾你聽一Ｄ選擇…
或者你咁做會點點點咁…
你要點樣行，都要你自己決定…
你決定0左，我相信大家都會支持你…
就算有人阻止，都係鍚你，驚你俾人hurt到…
但其實我覺得你心裏面已經有0左決定…
你係要有最壞0既打算，但真係唔想見到你唔開心咁去做…
如果去到某種程度，唔開心係佔大部份0既話，作為朋友，我寧願你唔好去做。
原本係為0左開心而有0既0野，依家搞到自己唔開心，何苦！？
0係實際上你又一定有唔開心…
如果你真係無事，咁就最好啦！
但… 為0左唔令朋友擔心而扮無0野，朋友會更擔心。
如果真係唔開心，千祈唔好逞強，喊出0黎好Ｄ。
0係呢個時候，你對大家訴苦、撒嬌，大家都會俾時間俾心機聽你講…
Posted in: 隨心 |
按此回應 | 回應的RSS | 暫時未有引用通告| 
(0)
